السلام عليكم ورحمة الله وبركاته
نعم أناديك لكي تعرف الذي حصل لي في احد أسفاري
( وعلى فكره هذه قصه واقعية صارت لي أنا شخصيا كلها عبر وفوائد )
كنت مسافر في رحلة عمل للخارج لبلد ما هو عربي ولا إسلامي .
وكان يوم جمعه أنا اشهد انه يوم مبارك رحت أنا وزميلي في العمل اسمه عبدالله للجامع بعيد في طرف العاصمة عشان نصلي الجمعة
ويوم خلصت الصلاة وعند باب الجامع قابلنا واحد قد تعرفت عليه في السعودية كان وقتها يدرس لغة عربيه في الجامعة وكان حديث إسلام يوم تعرفت عليه .
المهم الرجال لزّم إلا نروح معه للمركز الإسلامي اللي يشتغل فيه ونتغدا سوا ما كان عندنا أي ارتباط وقلنا له تم .
ركبنا تاكسي الرجال قدام وأنا وعبدالله ورى وكانت الشوارع زحمه والمشوار بعيد وكنت أطالع في مراية السواق واشوفه وقلت: لعبدالله يا أخي شكل هالسواق حبيب !
قال لي :
حبيب ولا مهوب حبيب نسينا الكتب ( كان معانا كتب جايبينها من السعودية عن الإسلام )
خوينا اللي راكب قدام عشانه يعرف عربي قال: تريدني ان اشرح له مبادئ الإسلام ؟
قلنا له : تكفى
ومسك مع السواق سواليف الين قبل ما نوصل قال لنا خوينا : هذا السائق معجب بالإسلام وقريب إلى قلبه .
نقز عبد الله وقال للسواق: انزل معنا تغد
قال السواق: ما اقدر التاكسي محسوب علي
قال له عبد الله: وقفتك على حسابي وفوقها اكراميه بس ادخل معنا وتغد
ودخلنا المركز الإسلامي وجلس سواق التاكسي مع خوينا على جنب في احد المكاتب وجلست أنا وعبد الله في غرفة الفيديو نطالع منجزاتهم .
المهم قلطونا وتغدينا جميع ونحن نتغدا سواق التاكسي يسأل وخوينا يجاوب وهاك يا نقاش وبعد الغداء التفت علينا خوينا وقال : يريد ان يدخل في الإسلام !!!
عندها جاني شعور غريب وما عرفت أرد عليه واطالع في عبدالله لقيته مثلي مطير عيونه وفاق فمه
وقال خوينا: يالله من يلقنه الشهادة ؟
وأثناء نطقه للشهادة كان يرتجف وعيونه تدمع ويوم كمل الشهادة ابتسم ابتسامه عجيبة . ابتسامه على وجه كله دموع
في هذه اللحظة قال لنا خوينا من أراد ان ينظر إلى شخص بلا ذنوب فل ينظر إلى هذا ويوم هدأ الجو شوي وجا الكلام على اسمه قال: أبي اسم إسلامي.
قال له خوينا : أفضل شي ان يكون اسمك عبد الله أو عبد احد أسماء الله وأعطاه ورقه بمعاني أسماء الله .
تدرون وش اختار يا جماعه ؟؟؟؟
اختار اسم الرحمن وقال : عبد الرحمن
وسأله خوينا لماذا هذا الاسم بالذات ؟
قال : لان الرحمن رحمني بكم ( قالها وهو يناظر عبدالله )
وما صلينا العصر الا وهو معنا فلله الحمد من قبل ومن بعد .
أقول يا جماعه ما يضر الواحد منا اذا سافر يكون معه كتيبات صغيره عن الإسلام بلغة أهل البلد وتعطيها اللي تشوف انه ممكن يقبلها يمكن الله يهديه ولو بعد حين ولا تحقر نفسك.
قال رسول الله صلى الله عليه وسلم ( لئن يهدي الله بك رجل واحد خير لك من حمر النعم )
لان كل عمل يعمله من الطاعات بعد إسلامه لك من الأجر مثل ما له لان الدال على الخير كفاعله
« آخـــر الـــمـــشـــاركــــات »
11-03-08, 06:48 AM
نـــداء نـــداء ..... لكل مسلم
